اسکائپ سے فون کالز پر پابندی؟

پاکستان میں اسکائپ صارفین نے ہمیں بتایا ہے کہ انہیں اسکائپ پر کالز کرتے ہوئے مسائل کا سامنا کرنا پڑ رہا ہے۔

یہ مسئلہ خاص طور پر وہاں درپیش آیا جب صارفین اسکائپ سے موبائل فون یا پی ٹی سی ایل کے نیٹ ورک پر لینڈ لائن نمبروں پر کال کر رہے تھے۔ اسکائپ سے اسکائپ پر کالز بخوبی کام کر رہی ہیں۔

پروپاکستانی کو ایسی متعدد شکایات ملی ہیں جن میں بتایا گیا ہے کہ اسکائپ سے فون کالز پی ٹی سی ایل پر کنکٹ نہیں ہو رہی ہیں۔ انہوں نے کہا کہ دیگر آئی ایس پیز پر یہ سروس بخوبی کام کر رہی ہے۔

البتہ پی ٹی سی ایل اسکائپ سروسز کے حوالے سے کسی بھی چیزکو بلاک کرنے سے انکاری ہے۔

اسکائپ سپورٹ کا کہنا ہے کہ انہیں پاکستان سے گزشتہ ایک ہفتے کے دوران متعدد رپورٹیں ملی ہیں، جن میں بتایا گیا ہے کہ صارفین کو اسکائپ سے فون کالز کرنے میں دشواریاں پیش آر ہی ہیں۔

اسکائپ نے کہا کہ اس کے ڈیولپرز نے مسئلے پر تحقیق کی ہے اور پایا ہے کہ مسئلہ پاکستان میں آئی ایس پیز کے ساتھ ہے جو اسکائپ سے موبائل فون یا لینڈ لائں نمبروںپر کالز کو کنکٹ ہونے میں رکاوٹ پیدا کر رہی ہیں۔

رابطے میں اسکائپ کا کہنا تھا کہ اسکائپ سے فون پر کالز عام ٹیلی فون نمبروں کے ذریعے راؤٹ ہوتی ہیں، اور یوں وائس ڈیٹا (جی۔279 آڈیو کوڈیک کے استعمال سے) لازماً روایتی پی ایس ٹی این (پبلک سوئچڈ ٹیلی فون نیٹ ورک) سے گزرنا چاہیے۔ مزید کہا گیا کہ پاکستان میں نیٹ ورکس ممکنہ طور پر پی ایس ٹی این سطح پر وائس ڈیٹا بلاک کیے گئے ہیں اور اس طرح یہ ایسی چیزہے جس پر اسکائٹ کنٹرول نہیں کر سکتا۔

یہ امر قابل ذکر ہے کہ وی او آئی پی کالز غیر قانونی ہیں اور پاکستان میں ان کی اجازت نہیں لیکن اسکائپ سے فون پر کالز اس سے پہلے کبھی ملک میں بلاک نہیں گئی تھیں۔

پاکستان میں بین الاقوامی کالز کرنےن کے لیے اسکائپ سروسز – اور اس کے ان لمیٹڈ پیکیج- استعمال کرنے والے صارفین ان گنت ہیں۔ چھوٹے سے درمیانے درجے کے کال سینٹرزاور ٹیلی کوچنگ اور ٹریننگ سینٹرز مغربی ممالک میں کالز کرنے کے لیے اسکائپ پر بہت زیادہ بھروسہ کرتے ہیں۔

  اس معاملے کو رپورٹ کرنے پر احمد اور دیگر افراد کا شکریہ